Narkomania

--------------------------------------------------------------------------------

Njeriu bashkëkohor, i cili pothuajse vazhdimisht është në veprim pas të mirave materiale, ndodh që kënaqësit e ndryshme t'i arrijë më lehtë dhe më shpejtë me mënyra dhe me mjete të ndryshme. Njëra prej këtyre rrugëve është -droga.
Personat që përdorin drogën quhen narkomanë. Ata, me sjelljet e tyre të papërshtatshme për rrethin shoqëror, jo vetëm që dëshmojnë shëndetin e tyre fizik dhe psikik, por paraqesin barr të rëndë edhe për familjen dhe për mbarë shoqërinë. Narkomania është sëmundje e cila nuk është vetëm pasoj e rrethanave të pavolitshme individuale, por edhe dukuri sociopatologjike e tjetërsimit të personalitetit, e cila ka marrë përmasa të mëdha, posaçërisht në popullatën e të rinjëve.
Sot në vende të ndryshme të botës, varësisht nga niveli arsimor dhe nga ai kulturor i popullatës, paraqitet edhe prania e narkomanëve. Ajo është më tepër pasoj e rënijes së normave morale në shekullin tonë, se sa nevoj e njerëzve për të ikur nga realiteti. Prandaj, formimi normave konstruktive, angazhimi i njëkohshëm i më shum subjekteve të bashkësisë shoqërore dhe shfrytëzimi i profesionistëve me terapitë e caktuara, janë mënyra që ky misticizëm i rrejshëm të luftohet deri në fund.
Në botë shfrytëzohen lloje të ndryshme drogash, sintetike dhe natyrore, si: opiumi,morfiumi, marihuana, heroina, hashashi etj. Prania e tyre në organizëm shkakton përjetime të ndryshme të rrejshme si: largim nga mërzia dhe nga problemet e ditës, lehtësim i vështirësive, i mosuksesit dhe i problemeve të ndryshme personale etj. Domethënë, droga pothuajse plotësisht ndryshon sjelljen e individit. Ajo lë pasoja të rënda jo vetëm në gjendjen shpirtërore të njeriut, por shkatërron edhe bazën e tij organike, sidomos sisteminnervor.
Prandaj, lufta kundër narkomaniisë duhet të jetë sa më e organizuar, që nga familja, shkolla, shërbimet specialistike shëndetësore e deri te bashkësia e gjerë shoqërore.